Իմ ափերի մեջ արդեն խամրել են
լույսերն այսօրվա,
լույսերն այսօրվա,
Ու վարսերիս մեջ քամին փնտրում է
սիրո ապացույց:
Մեղավորի պես նստել եմ
արնոտ ձեռքերս անլվա,
Ու մեղքի համն ինձ հրամայում է
թաքնվել Աստծուց…
թաքնվել Աստծուց…
Ես այս կրակից ուզեցի քաղել
մի բուռ ջերմություն,
մի բուռ ջերմություն,
Սակայն այրվեցի ու հիմա նորից
փնտրում եմ կրակ,
փնտրում եմ կրակ,
Իմ անցած ուղին անմիտ հույսերի
փոշով էր լեցուն
փոշով էր լեցուն
Ու խոստումներով, որ տրվել էին
կես լուրջ, կես կատակ:
կես լուրջ, կես կատակ:
No comments:
Post a Comment