Վերագտած խաղաղություն

Լուռ թափանցում են լուսնի շողերը

Դեպի խորքերը վառվող աչքերիդ,

Քո աչքերի մեջ արփին թողել է

Համբույր, որ լուսինն այս գիշեր առնի:

Ու խաղաղ ես դու ամռան ծովի պես,

Մեղմ ալիքվում ես ափերին հոգուս,

Ամեն գալուստիդ ես փարվում եմ քեզ,

Ու դու շարունակ գալիս ես, գնում...

Խաղաղ եմ և ես... Ու պահում եմ միշտ

Քո ջերմությունը իմ սրտի վրա.

Այն օգնում է ինձ դիմադրել ցրտին,

Մինչև որ ծովիդ նոր ալիքը գա:

***

Մի´ գայթակղվեք մարդկանց առաջարկով, որ լինեք միմյանց համար և կին (ամուսին), և մայր (հայր), և զավակ, և ընկեր… Մի օր, երբ նրանք որոշեն լքել Ձեզ, Դուք ստիպված կլինեք զգալ յուրաքանչյուրի կորստի ցավը: